Und plötzlich hat man’s getan

Heutzutag glei nach der Ausbildung an Job zu finden ist net unbedingt des Einfachste. Und an Job zu finden, in dem ma glücklich ist, scho gar net. Aber was, wenn man mit seim Job amfach nur unzufrieden is? Richtig, man kündigt. Klingt amfoch, braucht oba doch Überwindung. Vor allem wenn des Unternehmen so winzig is wie in meim Fall, sprich: Der Chef und i. Aba was würd’s bringen? I steh auf und waß scho, dass i Sachen im Büro machn muaß, hinter denen i net steh, fade Layouts und die 183. Mutation von an Inseratensujet. Yippiayeh.

I hab glaubt ma kann Kunden vielleicht erziehen, oder dass ma nach ana gewissen Zeit mit an Qualitätsanspruch auch passende Kunden kriagt, aba i glaub des is im “suburbanen” Raum, der da in meim Fall Krems is, mit KMU’s amfoch net drin. Deis is zumindest die Erkenntnis die i für mi zogen hab. Und da sich iagndwos ändern muaß, de Firma des oba net tun wird, änder hoit i wos. Freitag hab’ i meim Chef gsagt, dass i mit Ende des Jahres weg bin.

Es hat zwoa a gewisse Überwindung gekostet, dieses Gespräch zu führn, oba danach hob i mi guat gfühlt. Es woa des Richtige. Die nächsten drei Monat werd i jetzt anfangen an Job ab März 08 zu finden. Jänner und Februar bin i auf großer Reise, 2. Jänner bis 22. Februar geht’s ab nach Kalifornien. Couchsurfen, trampen, bissl Selbstfindung und amfoch moi wos mochn, wos i immer scho mochn woit: Gaunz allane in an fremden Land herumgurken, net ois Urlauber sondern ois Reisender.

Der nächste Job muss wos sein, wo i mi gestalterisch a bissl ausleben kann. Was, wo wer wirklich an Grafiker, an Gestalter, sucht und net amfoch wen, der mit den Programmen umgehn kann. Des is ma zu langweilig, da kann i mi net weiterentwickeln. Moi schaun, vielleicht find’ i was im Editorial Design, oder amfoch a Agentur, die sich net Werbung sondern Grafik-Design auf die Fahnen schreibt. Und vielleicht moch i mi a bissl selbständig mit der gaunzen Website-Gschicht, immerhin kau i des und kriag immer wieder Anfragen, oiso warum eigentlich net? Bled warat i!